ایچیمیزده‌کی تاغوت
الله (س.ت) حیات کیتابیمیز اولان قورآنی-کریمده بئله بویورور:
بیز هر اوممته: "اللها عبادت ائدین، تاغوتدان اوزاق اولون"– دئیه، پئیغمبر گؤندردیک.(نهل سوره‌سی، آیه 36)
دیگر بیر آیه‌ده ایسه اؤجا الله بئله بویورور:
سنه نازیل ائدیلنه و سندن اول نازیل ائدیلنلره ایمان گتیردیکلرینی ادعا ائدنلری گؤرمه‌دینمی؟ اونلار موهاکیمه اولونمالاری اوچون تاغوتا مراجعت ائتمک ایسته‌ییرلر. حال‌بوکی اونلارا تاغوتا اینانماماق امر اولونموشدور. شیطان ایسه اونلاری درین بیر آزغینلیغا سالماق ایسته‌ییر.(نیسه سوره‌سی، آیه 60)
تاغوتلاری رد ائتمه‌دیکجه ایمانین قبول اولونمایاجاغی آچیق بیر شکیلده آیه‌لرده ایفاده اولونور. تاغوت دئدیکده، اللهین ائندیردیگی حؤکملره موخالیف اولان و بو حؤکملرین عوضینه اؤز حؤکملرینی ایجاد ائدن هر بیر وارلیق تاغوتدور. تاغوت همچی‌نین اللها (س.ت) قارشی عصیان ائتمکله برابر، اونون قوللارینی اؤزونه قول ائتمک ادعاسیندا اولانلاردیر. بو ایسه شیطان، دینی و سییاسی بیر لیدئر و یا بیر کرال اولا بیلر. اللها قارشی حددینی آشمیش هر بیر وارلیق تاغوتدور. قئیبدن خبر وئرن، فالچیلیقلا مشغول اولان، جادوگرلیک ائدن هر بیر کس ده تاغوت حؤکمونده‌دیر.
بو سببدن هر هانسی بیر اینسانین حقیقی موسلمان اولماسی اوچون تاغوتو رد ائتمه‌سی لازیمدیر. چونکی اؤجا اللها ایمان ائتمه‌میشدن اؤنجه بوتون تاغوتلاری اینکار ائتمک شرطدیر. یعنی تاغوتلاری اینکار ائتمه‌دن، اللها ایمان گتیره‌نین ایمانی یانلیشدیر. بورایا قدر آنلاتدیغیمیز تاغوتلار بیزدن خاریجده اولان تاغوتلاردیر. و هر بیر ایمان گتیرن اینسانین دا بو خاریجی تاغوتلاردان چکینیب، اللها یؤنلمه‌سی لازیمدیر.
لاکین بو گون بیز اینسانلارین داخیلینده اولان تاغوتدان دانیشماق ایسته‌ییریک. اینسان اؤز داخیلینده‌کی تاغوتو رد ائتدیکده او خاریجده اولان تاغوتلاری دا اینکار ائتمک گوجونده اولور. محض بونا گؤره ده اینسان ایلک اؤنجه داخیلینده‌کی تاغوتو تانیمالیدیر. تاغوتو تانیمادان اونو اینکار ائتمک ده مومکون دئییلدیر. بس بو ایچیمیزده، داخیلیمیزده اولان تاغوت نه دیر؟ بو ائله بیر تاغوتدور کی، اینسانلاری عبادتدن، اللها قوللوقدان، ایماندان کنار ائدیر. بو نفسدیر! نفس ائله بیر تاغوتدور کی، او اینسانی دونیایا و دونیا نعمتلرینه آلوده ائدیر. نتیجه‌ده ایسه دونیا نعمتلرینه هریس اولان اینسان، بو نعمتلره نایل اولماق اوچون یالان دانیشماغا، اوغورلوق ائتمه‌یه، روشوت آلماغا حتی اینسان جانینا بئله قصد ائتمه‌یه مجبور اولور.
نفس اونو ائله بیر سویه‌یه گتیری کی، او حئیواندان فرقلنمز حالا دوشور. نه گلدی یئییر، حالال-حرام بیلمیر و بو جور عمللری "قوچاقلیق” ، "زمانیله آیاقلاشماق” کیمی ایفاده‌لرله حاق قازاندیریر. حال‌بوکی، بوتون بو عمللری شیطان اونا حرام و گوناه عمللر کیمی دئییل، "باجاریق” کیمی تلقین ائدیر. و نتیجه‌ده نفسینه تابع اولوب زلالته دوغرو آددیملاییر.
خاریجده‌کی تاغوتلار ایلاهیلشدیریلدیگی کیمی، داخیلی تاغوت اولان نفس ده ایلاهیلشدیریله بیلر. و نتیجه‌ده اینسان اؤز نفسینی اؤزونه ایلاه سئچیر. و اللهدان قئیریسینی اؤزونه ایلاه سئچدیگی اوچون کافیر اولور. اؤجا الله اؤز رسولونا بو خیسلتلی اینسانلار باره‌سینده بئله مراجعت ائدیر:
نفسی‌نین ایسته‌یینی ایلاهیلشدیرن کیمسه‌نی گؤردونمو؟ (ال-فورقان، 43)
گونوموزده بو جور اینسانلارا چوخ راست گلمک مومکوندور. اونلار نفسلری‌نین ایستکلرینه تابع اولوب، دونیا حیاتینا کؤله اولموشلار. حال‌بوکی اونلار اللها قوللوق ائتسیدیلر، الله اونلارا بو دونیادا دا ، آخیرت دونیاسیندا دا گؤزللیکلر بخش ائدردی. البتده‌کی اؤجا الله بو دونیادا موسلمانا دا، کافیره ده رحملیدیر. بو دونیاداکی نعمتلرین ذره قدر قییمتی اولسایدی، کافیره بیر قورتوم سو بئله وئریلمزدی. آخیرت گونونده ایسه اؤجا الله یالنیز موسلمانلارا رحیملی اولاجاق. جنّت نعمتلری ایسه یالنیز بو دونیادا اونا ایمان گتیریب و تاغوتلاردان چکیننلر اوچون اولاجاقدیر.
اؤجا الله بو باره‌ده بئله بویورور:
قادینلارین، اوشاقلارین، ییغین-ییغین قیزیل-گوموشون، یاخشی جینس آتلارین، مال-قارانین و اکین یئرلری‌نین وئردیگی ذؤوقلره اولان ایستک اینسانلارین گؤزونه گؤزل گؤستریلمیشدیر. بونلار، دونیا حیاتی‌نین کئچیجی ذؤوقودور، گؤزل قاییدیش یئری ایسه الله یانیندادیر.(آل-عمران، 14)
اینسان آنلامالیدیر کی، بو دونیا یاشاماق و ذؤوق اوچون بیر مکان دئییل. بو دونیا ایمتاهان دونیاسیدیر. بو دونیاداکی نعمتلر یالنیز اوندان ایستیفاده ائدیب، ایمتاهانا حاضرلاشماق اوچوندور. چونکی قارشیدا بؤیوک بیر ایمتاهان وار. بو ایمتاهاندان موفووقیتله کئچه بیلمک اوچون بوتون تاغوتلاری دیل ایله، عمل ایله رد ائدیب، اللها ایمان گتیرمک لازیمدیر. بونون اوچون ایسه ایلک نؤوبه‌ده داخیلیمیزده اولان نفس آدیندا تاغوتو رد ائتمک لازیمدیر. داخیلینده‌کی تاغوتو رد ائتمه‌دن ، خاریجی تاغوتلاری رد ائتمک مومکون دئییلدیر. اگر مومکوندورسه ده بو یالنیز دیلده اولاجاق. عملده ایسه هئچ بیر دیَیشیکلیک اولمایاجاقدیر.
بو معنادا گلین بیر داها بیزی اللها عبادتدن اوزاقلاشدیران نفسی ایستکلری ترک ائدک. داخیلیمیزده‌کی نفس آدینداکی تاغوتو و خاریجیمیزده‌کی تاغوتلاری ترک ائدک کی، اللها حقیقی معنادا ایمان گتیرک. گلین داخیلمیزده‌کی و خاریجیمیزده‌کی تاغوتلاری ایلاهلشدیریب اونلارا عبادت ائتمه‌یک. گلین یئرین و گؤیلرین حقیقی رببی اولان اللهی ایلاهیلشدیرک و اونا دا عبادت ائدک.
سوندا گلین اؤجا اللهین بیزلره بو باره‌ده مراجعتلرینه بیر داها نظر سالاق:
هر کس تاغوتو اینکار ائدیب اللها ایمان گتیررسه، هئچ واخت قیریلمایان ان مؤحکم دستکدن یاپیشمیش اولار. الله ائشیدندیر، بیلندیر. (بقره، 256)
تاغوتا عبادت ائتمکدن چکینیب اللها اوز توتانلارا موژده واردیر. قوللاریمی موژدله!(زومر،17)
نفسینی گوناهدان تمیزله‌ین اوغور قازانمیشدیر.(شمس،9)
الله بوتون موسلمانلاری نفسدن و اونون شرریندن قوروسون. آمین
ناماز قیلماماغین سببلریندن بیری ده اللهدان قورخماماقدیر
اؤجا الله قورآنی-کریمده بئله بویورور: "اللهین عذابیندان قورخون، ناماز قیلین و موشریکلردن اولمایین!” (ار-روم،31)
الله(س.ت) اونا ایمان ائدن قوللارینا اوندان قورخاراق ناماز قیلمالارینی امر ائدیر. و اوندان قورخان قوللاری دا رببینه اطاعت ائده‌رک سجده‌لره قاپانیرلار. اوکبه بین آمر (ر.آ) رسولوللاهین (س.آ.س) بئله دئیرکن ائشیتدیگینی خبر وئریر: رسولوللاه (س.آ.س) بئله دئدی: "داغ تپه‌لرینده‌کی قویون چوبانیندان اللهین خوشو گلیر. او، ناماز اوچون آذان اوخویار و ناماز قیلار. الله (س.ت) دا بئله بویورور: بو قولوما باخین، آذان اوخویوب، ناماز قیلیر و مندن قورخور. من ده او قولومون گوناهلارینی باغیشلادیم و اونو جنّتیمه قویاجاغام. (ابو داوود (1203) و نسای (2/20) ،احمد (4/145)، ابن هیببان (260) و تبرانی کبیر (17/833) سهیه بیر سندله روایت ائتمیشلر.)
الله(س.ت) ناماز قیلان قولو اوچون اوندان قورخدوغونو سؤیله‌ییر. و بونون موقابیلینده همین قولو جنّتله موژدله‌ییر. ناماز قیلمایان اوچون بو سؤز سؤیله‌نیلیرمی؟ اگر عینی کلمه ناماز قیلمایانا دا سؤیلنمیش اولسایدی، ناماز قیلان ایله قیلمایان آراسیندا هئچ بیر فرق اولمازدی. بو اؤجا اللهین (س.ت) عدالتینه یاراشماز.
همچی‌نین ده بیر اولان اللهدان (س.ت) قورخماق، "له ایلهه ایلللاه” کلمه‌سی‌نین طلبلریندندیر. اگر بیر کیمسه دیلی ایله "له ایلهه ایلللاه” دئییر، لاکین ناماز قیلمیرسا دئمه‌لی بو آدام بو کلمه‌نین طلبینی یئرینه یئتیرمه‌میشدیر. بونو آچیقلایان بیر آیه‌ده الله (س.ت) بئله بویورور: "الله اؤز امری ایله ملکلری (جبرایلی) وحی ایله بنده‌لریندن ایسته‌دیگینه گؤندریب بئله بویورار: "اینسانلاری عذابیملا قورخودوب(بو حقیقتی منیم آدیمدان اونلارا بیلدیرین: "مندن باشقا هئچ بیر ایلاه یوخدور. مندن قورخون!". (نهل سوره‌سی، 2)
هر بیسمیلله دئییب ات کسن قسسابدان ات آلماق اولارمی؟
سوال: → حاضردا موسلمانلار اتی کیمدن آلمالیدیرلار؟ هر بیسمیلله دئییب ات کسن قسسابدان ات آلماق اولارمی؟
جاواب: → اللها حمد اولسون.موسلمان یئدیگی تیکه‌نین حالالینا-حرامینا فیکیر وئرمه‌لیدیر. بیلدیگیمیز کیمی ایسلام دینی اؤز آردیجیللارینا هر اتین یئییلمه‌سینی جواز وئرمه‌میشدیر. یئییلن ات لئش اولمامالی، دونوز و دیگر یئییلمه‌سی حرام اولان حئیوانلاردان اولمامالی و عینی زاماندا یئییلمه‌سی حالال اولان اتلر ده ایسلامی اصوللارلا کسیلمیش اولمالیدیر. عکس تقدیرده بو اصولدان کناردا قالان ات و ات محصوللاری‌نین یئییلمه‌سی حرامدیر.
(بورادا قئید ائدک کی، اهلی-کیتاب طرفیندن کسیلن حئیوانلارین اتلری ده (البته کی اتی حالال اولانلار) موسلمانلارا حالالدیر)
بو باخیمدان البته کی، موسلمان یئدیگی ات محصوللارینا فیکیر وئرمه‌لیدیر. بو گون حقیقتن بعضی اؤلکلردن ایدخال اولونان ات محصوللاری قئیری-ایسلامی اصوللارلا کسیلمیشدیر. حتی اؤلکمیزده ایستئهسال ائدیلن بیر سیرا ات محصوللاری بئله بو باخیمدان شوبهه‌لیدیر. مثلا دونوز کولباساسی ایستئهسال ائدن بیر شیرکتین عینی سئخلرینده مال کولباساسی دا ایستئهسال اولونورسا، عینی آلتلر هر ایکی محصولون ایستئهسالیندا ایستیفاده ائدیلیرسه بورادا حرامین حالالا قاریشماسی طبیعی حالدیر. بونا گؤره اؤلکمیزده ایستئهسال اولونان بیر چوخ ات محصوللاری‌نین اوزرینه حالال یازیلمیش اولسا بئله اونو ایستئهسال ائدن شیرکت دونوز اتیندن ده دیگر محصوللار ایستئهسال ائدیرسه اونون بوتون نؤو ماللاری‌نین ایستیفاده‌سیندن چکینمک لازیمدیر.
قسسابلاردان آلینان اته گلینجه... البته بو مسئله‌ده ده احتیاطلی اولماق لازیمدیر. تانیدیغینیز مؤمین بیر قسساب وارسا اتی همیشه اوندان آلین. بو احتیاطا و تقوایا اویغون اولانیدیر. عومومی قایدایا گلینجه بیر توپلوم عمومیتله موسلمان اولدوغونو ادعا ائدیرسه بو توپلومدا اؤزونو موسلمان قبول ائدن بیریسی‌نین کسدیگی حئیوانین اتی حالالدیر. بونا دلیل اولاراق بو حدیسی گؤستره بیلریک:
آیشه (ر.آ.) روایت ائدیر کی، بیر جاماعت الله رسولوندان سوروشدو: "یا رسولوللاه، بیر قوم بیزه ات گتیریر. بیز اونلارین اللهین آدینی چکیب چکمه‌دیکلرینی بیلمیریک.” نبی علئیه سلام دئدی: "سیز بیسمیللاه دئیین و او اتدن یئیین”. آیشه (ر.آ) دئییر کی، "بو قوم ایسلاما یئنی گلمیشدی”. (بوخاری)
گؤروندویو کیمی الله رسولو ایسلاما یئنی گلمیش، بیر چوخ شرطلردن خبری اولامیان بیر قومون کسدیگی اتین یئییلمه‌سینی قبول ائتمیشدی.
آنجاق بورادا بیر مثلای قئید ائدک. البته سیز بوتون قارشینیزا چیخان قسسابلاری ایمان ایمتاهانینا توتاجاق دئییلسینیز. آنجاق بو او دا دئمک دئییلدیر کی، هئچ نَیه فیکیر وئرمه‌دن بو اؤلکه‌ده هاردان گلدی، نئجه گلدی ات آلمالیسینیز. یاشادیغنز یئرده دایم ات آلدیغینیز آدامی بو و یا دیگر فورمادا تانیماق ایمکانینیز البته کی، وار. جدی ایمان پوربلئمی‌نین اولماسیندان خبردار اولدوغونوز بیر شخصدن البته کی، ات آلماغینیز جایز دئییلدیر. آنجاق آدام اؤزونو موسلمان قبول ائدیر، کسدیگینی بیسمیللهله کسیر و اونو دیندن چیخاران آشکار بیر عملی یوخدورسا اونون کسدیگی یئییلر و سیزین اونون گیزلی یؤنلرینی آراشدیرمانیز اویغون دئییلدیر.
راسولوللاهین حیاتی
قورعان طلبه‌سی، قارداش تورکییه‌ده تفسیر علمینده بؤیوک بیر خیدمتده رولو اولان مصطفی ایسلاموغلونون الله رسولو -سللاللاهو آلئیهی وا سلله‌مین- حیاتینی باشدان سونا عکس ائتدیرن بو سسلی مپ3 فورماتلی اثریندن هر بیر موسلمان فایدالانا بیلر. یئتر کی، عالملره رحمت اولاراق گؤندریلمیش سئویملی و عزیز اؤندریمیز رسولوللاهی -سللاللاهو آلئیهی وا سللمی- داها یاخیندان تانیماق اوچون بو اثردن فایدالاناق.
خاتیرلاداق کی، بو محصول آدیم پرودوکسییون شیرکتی‌نین ایستئهسالیدیر و مؤلفلیک حقوقلاری قورونور.
سسلی اثرلرین آذریسلامدا یاییملانماسی اوچون مؤلفین راضیلیغی آلینمیشدیر.
مؤوضو ایله علاقه دار فیکیرلرینیزی و سواللارینیزی مؤلفه مصطفییسلاموگلو.جوم سایتیندان یازا بیلرسینیز.
باش اؤرتویو فورماسیندا توالئت چاناغی
آبش-دا فعالیت گؤسترن ایسرایل شیرکتلریندن بیری باش اؤرتولو قادین شکلینده توالئت چاناغی ایستئهسال ائدیب. آمئریکالی موسلمانلار ایسه بونا کسکین اعتراضلارینی بیلدیریبلر.
قرب ایسلام دونیاسینی تحقیر ماهیتلی داها بیر پلانینی ایشه سالیب.
ائله بیر گون یوخدور کی، قربده ایسلام و موسلمانلار علئیهینه یئنی بیر قارا پیار کامپانییاسی آپاریلماسین. ایندی ده سایی ایکی میلیاردا چاتان موسلمان اهالینی اؤزوندن چیخارماق اوچون آبش-دا باشقا بیر اینسیدئنته ایمضا آتیلیب. بئله کی، آبش-داکی ایسرایل شیرکتلریندن بیری باش اؤرتولو قادین شکلینده عومومی توالئت چاناغی ایستئهسال ائدیب. آمئریکاداکی یهودیلر آراسیندا گئنیش یاییلان بو توالئت چاناغی‌نین فورماسی‌نین بو یاخینلاردا ایسرایلده ده بازارا چیخاریلاجاغی خبر وئریلیر. ایسرایل شیرکتی‌نین مقصدی ایسه بو توالئت چاناقلارینی دونیا بازارینا چیخارماقدیر.
قربده موسلمانلارا قارشی گئتدیکجه آرتان قارالاما کامپانییاسی‌نین یئنیلیک اولمادیغینی بیلدیرن آبش-داکی ایسلام تشکیلاتلاری آوروپادا و آبش-دا هر ساحه‌ده ایسلامی تحقیر ائتمک اوچون باش وورولان یوللارین مقصدیؤنلو شکیلده حیاتا کئچیریلدیگینی قئید ائدیب.
/تیمئتورک/